TSV Steinhaldenfeld - 2019 | Vereinsnachrichten Nr. 66

40 Von der Couch an den Start –Wir bringen Menschen in Bewegung DNA Dia Neie Alde Hallo liabe Leit, heit geit’s zom erschta Moal en Bericht von dr DNA. Dia Vorstandschaft vom TSV ischd Ende 2017 auf Christa ond mi zuakomma ond hoat gfro- agt, ob mir eis vorstella kenndet, ebbes mit de Seniora em Vrei zu macha. Mir hand ons Ged- anka gmacht ond, nochdemmir jo gsait hend, hot dr Vrei älle Fraua ond Männr ibr 60 em Januar 2017 ens Vreinsheim eiglade. 73 Leit hend sich dann em Neabazemmr eigfonda – s‘war druggtvool. Mir hand eisr Konzept vorg- stellt ond des hoat glei Zuastimmung gfonda. Ond au glei hamm’r en nuia Namamitbroacht: DNA = D ia N eie A lde ! Weil mir gsait hend, dass mr jedn Monat ebbes machet, hend mr glei em Februar da Närrischa Wochamarkt en Cannstatt bsuacht. Ond guck na, dreissg Leit send noach Cann- statt komma, teilweise, wia sich dees an dr Fasnet ghört, vrkloidet;‘s war a pfondiga Sach. Womr drnoach omhalb zwoi mit zwanzg Leit ens Vreinsheim neimarschiert sent, do hand mr dia Mittagesser, dia do ghocket send, ghörig aufgschreckt. Noachdem mr guad gessa ghet hend, isch dia Stimmong emmr bessr wora ond mir hend agfanga zom sen- ga. Abr, weil mir Schwoba bekanntlich emmr blos oin Vers kenned, han i mir denkt, dass mir obedengt a Liadrbuch brauched. Älles, was mir dann s’ganze Joahr so abotta hend, ischd reacht guad akomma, ‘s waret emmr so zwischa 20 ond 30 Leit drbei: em März dr Bsuach em Hochflurbesa, em April dr Stammtisch emVreinsheim, em Mai dia Wandrong zom„Kuckuck“ noach Fellbach, em Juni dia Wandrong„Joseflesweg“, em Juli dr Stammtisch emVreinsheim, em August dr Sommrbesa beim Gerhard, em September diaWandrong„Knausbiraweg“, em Oktober dr Bsuach vom Cannstatter Volks- fest. Jo, on em November, ganz genau am 07. No- vember 2018, war’s dann soweit: Gründungs- versammlung der DNA em Vreinsheim. 36 Leit waret do ond hend dann dia Posta, dia zo ra Abteilongsgründung halt notwendig send, wia folgt gwählt (jeweils ohne Gegastemma): Abteilungsleiter: Alfred„Freddy“ Fisel Kassiererin und stv. Al’in: Christa Schautz Schriftführerin: Renate Meissner Mir drei welled jetzt dees weitrmacha, was mr scho a ganz Joahr lang ogwählt gmacht hend, nemlich: a bonts Programm, wo fir jedn ebbes drbei isch, sei’s wandra, sei’s en Stammtisch, sei’s ebbes agucka ond so weitr. Zo ons kenned älle ab 60 komma, ganz ge- nau gucked mir do it druff, s’geit blos oi Bedingung: se soddet em Vrei sei – wer’s it ischd, der ka’s jo dann wära. Des, was mir mached, gebed mir bekannt em Schaukaschda amVreinsheim ond em Schau- kaschda beim Kiosk ond au em Intrnet auf dr Houmpeidsch (Homepage) vom TSV Stein- haldenfeld. Oin Höheponkt en dem Joahr wead sicher- lich des Liadrbuach sei, des grad em Entsteha ischd. Mei Dank gilt meim Ausschuß ond älle, wo mi ontrstützed, bsonders au dene, wo uf dr Gschäftsstell schaffed. Jetzt hoffe, dass’r älle xond bleibed ond no lang G’falla bei dr DNA hend. Freddy DNA