40 Von der Couch an den Start –Wir bringen Menschen in Bewegung DNA Dia Neie Alde Dia Pandemie hoat älles em Griff ghet, au onsre Aktiona bei dr DNA! Erscht em Juli 2021 hand mr starta kenna, drvor ischd ibrhaupt nix ganga. Mir send von Stoihaldafeld aus zom Max-Eyth-See gloffa ond hand em „Haus am See“ Mittaggessa. Vierzig Leit wared do drbei! Ma hoat oifach des Gfühl ghet, älle hand raus wella! Em August hand mr da Sommrbesa vom Gerhard Glock bsuacht. S’Wettr war it so guad, dass ma hett dussa hocka kenna, abr en seinr Halle denna war’s au schee gmiatlich. Ond 33 Leit hoat’s granatamässig gfalla! Em September send mr noach Fellbach nausgloffa zom „Kuckuck“. S’Wettr war durchwachsa ond so hand mr au do it naushocka kenna. Do send 21 Leit drbei gsei! Em Oktober hand mr des Schweinemuseum mit 22 Leit bsuacht. Des war sauguat! Em November hand mr zerscht keglet ond drnoach hend mr ons em Nebazemmr vom Vreinsheim zur Vorstellong von dem Liederbuch troffa. Dr Freddy hoat dia Texte ond die Marion dia Bildr zammagstellt. Rauskomma ischd a suprtolles, au fir ältere Leit lesbares Liedrbuach. Des älles war blos möglich, weil mir Sponsora fir des Liedrbuach gfonda hand ond des wared: Bärbel Lauterbacher, Rolf Plieninger und Uwe Bergmann. Eich drei nomoal en sakrischa Dank! Em Dezembr war dia Weihnachtsfeir em Vreinsheim plant, abr weaga dene Coronaregla hoat ma se it dureführa kenna. Em Januar 2022 hand mr wiedr onsern „Hausbesa“, da Glock mit 23 Leit bsuacht. Em Februar hend mr onsre Noachbr en Neugereut, s’Theäterle, bsuacha wella. 24 Leit wäret naganga, hand scho Karta ghet, aber zwoi Dag vorher ischd bei dene Theatrschpielr a Hauptperson ausgfalla ond so hand se ons absaga miassa. No send mr spontan mit 20 Leit ens Remstalstüble ganga ond hand den Obed mit’ma tolla Essa vom Hans vrbroacht. DNA „Kuckuck“ Haus am See Sommerbesen Kegeln Schweinemuseum Glock Sommerbesen Liederbuchvorstellung Remstalstüble
RkJQdWJsaXNoZXIy NDAzMjI=