Zweifelsohne war em letzda Joahr oin Höheponkt dr 90. Geburtsdag von onserem Rolf. Bei dera Feir hoat’r sich it lompa lau ond Freunde ond Wegbegleitr ens Nebazemmr vom Vreinsheim eiglada. Dr absolute Star war dann die musikalische Begleitung an demObed, nämlich die weltbekannte Claudia Hirschfeld mit ihrer WERSI-Orgel. Sie hoat scho in älle große Halla auf dr Welt gschpielt ond ois hoat‘ra no gfehlt: en Auftritt en Stoihaldafeld! Von oabds sechse bis nachts om zwoi hoat se u naufhörlich gschpialt – es war oifach nur grandios! Seit 75 Joahr ischd dr Rolf Vreinsmitglied, dr oinzige, wo scho so lang drbei ischd ond no leabt! Er ischd au a Gründungsmitglied von dr DNA. Er loat koi Glegahoit aus zu betona, dass er ganz stolz ischd, dass er so a tolla T ruppe gfonda hoat. Koi oiziga Vrastaltong hoat‘r ausglau, er ischd emmr drbe i. Ond wo dr Rolf am Tisch hockat, do ischd Leaba! Er hoat jo en wahnsinns Erfahrongsschatz ond so a omfan greichs Wissa, was friehr so em Vrei los war. Wenn’r noach en so’ma Kreis von Fraua denna hocket, dann isch’s meistens nemme weit weg von ’ra Sektronde! Rolf, mir hoffet, dass Du no lang xond bleibschd ond be i ons drbei sei kascht! 90. Geburtstag Rolf Plieninger 41 2022 | Vereinsnachrichten Nummer 69 DNA Stuttgart City-Tour Brezelmuseum Stuttgart City-Tour Em März hand mr onsre Jahreshauptvrsammlong abghalta. Obwohl Neuwahla auf‘m Programm gschdanda send, wared 20 Persona anwesend, des send ibr 25 Prozent von dr Abteilong. Oifach pfondig, wenn da hörscht, wievill Leit bei Abteilongsvrsammlonga sonscht drbei send! Fir da April hand mr ons vorgnomma, Schduagart von ra ganz andre Seita kennazolerna, nämlich hoch zu Bus. Die Stuttgart City-Tour - Blaue Linie - führte ons durch viele bis do na obekannte Strecka ond au mit ganz nuie Aussichta. 22 Persona hand do Intresse ghet. Em Mai send mr wiedr zom Kuckuck gwandert. Des hand sich 17 Persona nicht entganga lau. „Kuckuck“ Em Juni send mr mit dr S-Bahn noach Erdmannhausa gfahra ond hand do des Brezelmuseum bsuacht. Bei dera Führong hand mr Hochintressantes ibr dia Brezel erfahra. Drnoach hand mr em „Schützahaus“ en Erdmannhausa dia dortige kroatische Küche genossa. Au do send 17 Leit drbei gsei. So hoffet mr, dass mr emmr entressante Unternehmonga macha kennet. Des Interesse innerhalbder DNA ischd jedenfalls riesiggroß! Es isch mr a Aliega, meim Ausschuß für des Gschäft, des ganze Joahr ibr goaht, sakrisch zo danka. Bleibet xond! Freddy
RkJQdWJsaXNoZXIy NDAzMjI=